Малку работи можат да воодушеват милијардер како Бил Гејтс: Возењето по улиците на Лондон е една од нив! / ВИДЕО
Основачот на Microsoft добил можност да вози во Jaguar I-Pace опремен со технологија за автономно возење
Не е претерување да се каже дека компјутерската технологија воведена од Бил Гејтс радикално го промени светот и начинот на кој комуницираме со него. Но, дури и Гејтс останал шокиран откако видел како автономно возило се пробива низ сообраќајот во Лондон.
Основачот на Microsoft добил можност да вози во Jaguar I-Pace опремен со технологија за автономно возење развиена од британската компанија Wayve, а видеото од возењето објавено на YouTube го прикажува возењето низ вообичаениот сообраќаен хаос по тесните улички на Лондон.
Тука се велосипедистите кои треба да се избегнуваат, други автомобили кои полукружно вртат на патот и секакви други непредвидливи пречки.
Но, наместо да користи насоки базирани на мапи, автомобилот опремен со Wayve го пробива својот пат низ сообраќајот учејќи додека вози, што значи дека може да оди буквално секаде и да реагира на сè што ќе се појави пред него. И јасно е дека Гејтс е импресиониран од начинот на кој автомобилот се справува со ненадејни ситуации.
Пишувајќи за искуството на својот блог Gatesnotes, Бил вели дека верува дека автономните возила, или „AV“, како што тој ги нарекува, „ќе го променат транспортот исто толку драматично како што компјутерот ја променил канцелариската работа“. Гејтс е уверен дека поголемиот дел од хардверот потребен за автоматизирање на светската флота е веќе развиен и дека најголемиот дел од преостанатата работа се врти околу дотерување на софтверот.
Иако ја тестирал технологијата во обичен автомобил, Гејтс верува дека патничките возила ќе бидат последни кои ќе станат целосно автоматизирани и дека масовно ја прифатат технологијата дури по камионите за долги релации, доставните и такси возила.
Гејтс е добро познат како ентузијаст, поседува Porsche 959 и Taycan, и тврди дека сакал брзо да вози уште од мал и дека сè уште ужива во патувањето. Но, тој вели дека е исто така „возбуден поради денот кога ќе ја предаде контролата над својот автомобил на машина“ и тврди дека едвај чека да види какви „нови можности“ отвора автономната технологија.