Ужината е одличен начин да го нахраните телото меѓу поголемите оброци во текот на денот.
Всушност, грицките можат да помогнат и во намалување на ризикот од канцер.
Американскиот Институт за истражување на канцер и Советскиот фонд за истражување на канцер проценуваат дека меѓу 30 и 40 отсто од сите видови канцер можат да се спречат со правилна исхрана и вежбање.
Значи, многу зависи од она по што посегнуваме кога ќе огладнеме.
За среќа, онкологот Лори А. Алфонсе ја открила својата омилена ужина со која ја задоволува желбата за грицкање, а дури може да го намали и ризикот од канцер.
Кога д-р Алфонсе ќе посака да јаде попладневна ужина, посегнува по мешани јаткасти плодови. Неа омилени ѝ се бадемите, индиските ореви и ф’стаците.
„Овие грицки се одличен извор на протеини и го зголемуваат нивото на енергија во текот на попладневниот умор“, изjaвила таа за „Parade“.
Според студија од 2023 година јадењето 28 грама јаткасти плодови дневно (околу една дланка), поврзано е со намалувањето на смртноста од канцер за 21 отсто.
Тоа е така поради тоа што јаткастите плодови се одличен извор на биоактивни споеви кои помагаат во намалување на воспаленијата и спречуваат понатамошно настанување или размножување на клетките на канцер.
Јаткастите плодови се одличен извор на протеини, растителни влакна, витамин Е и фолна киселина, сите нутриенти кои имаат клучна улога го превенција на канцер.
Кога во продавница купуваме јаткасти плодови д-р Алфонсе советува да ги бираме оние без дополнителни шеќери и соли. Доколку сакаме да додадеме малку вкус во своите јаткасти плодови, може да ги посипеме со различни зачини, како што се рузмарин, мајчина душица или куркума.
