ТРАГЕДИЈА ВО ИТАЛИЈА: Пет работници се задушиле во канализација додека работеле
Објавено во: Свет 07 Мај, 2024
Пет работници загинаа, а еден се наоѓа во тешка состојба по страшната несреќа што се случи во канализација во италијанскиот град Палермо.
Работниците се ангажирани на работи за одржување на канализациони системи во близина на винаријата во Кастелдачи.
Откако дошле во контакт со гасови од водород сулфид, животот на сите бил во опасност. За жал, само еден успеал да преживее иако е во тешка состојба.
Еден успеал да излезе од резервоарот и отишол да повика помош. Иако пожарникарите брзо пристигнале на местото на настанот, петте работници немало начин да се спасат.
Еден човек е интубиран и тој веднаш со хеликоптер е префрлен во Поликлиниката во Палермо.
Во моментов не се знае како се случила трагедијата.