Во рок од четири дена во болницата „Пантелимон“ во Романија починаа 17 пациенти, а првично се посомневаше дека персоналот намерно го намалил лекот за одржување на животот на пациентите на Одделението за интензивна нега.
Оваа тажна ситуација кај луѓето предизвика сомнеж кон лекарите и медицинските сестри во таа болница, а персоналот полека почна да дава отказ и да се префрла во други институции.
Интерната комисија за анализа составена од пет лекари специјалисти констатирала дека во болницата Пантелимон согласно протоколот се почитувала процедурата и терапијата. Нема докази дека некоја медицинска сестра самоиницијативно ја променила дозата на норадреналин, тврдат од комисијата.
Нема сомнеж дека имало отстапувања од протоколот“, велат лекарите од комисијата.
Претседателката на Дисциплинската комисија Лијана Плеш на прес-конференцијата изјави дека се сомневаат дека во оваа ситуација се вмешани најмногу шест лекари.
„Утврдив дека во некои случаи биле вклучени и до шест лекари, што би значело дека сите се однесувале несоодветно“, рече Лијана.
Таа изјавила дека биле сослушани дури 23 лекари.
„Комисијата анализираше 17 смртни случаи и сослуша 23 лекари од Одделението за интензивна нега. Утврдивме дека ниту еден пациент не починал поради човечка грешка и дека сите се хоспитализирани во тешка состојба, некои дури и по неколку месеци тешка состојба. Неколку беа реанимирани на друго место или во друга болница“, додаде таа.
Таа изјави и дека се почитувани сите протоколи за анестезија и интензивна нега.
За жал, ваквата состојба нанесе голема штета на болницата и предизвика сомнеж кај целиот медицински персонал, поради што довербата која се градеше долги години сега е нарушена.
Голем број вработени ги напуштија своите работни места и најдоа работа на друго место токму поради приказните што кружеа за болницата и нејзините вработени.
„Тоа е ситуација без преседан, ситуација која сериозно го наруши односот меѓу лекарите и пациентите“, објасни претседателката на синдикатот на лекарите од Букурешт, Каталина Појана.
Таа нагласи и дека секој што згрешил сега мора да плати, но се уште не е јасно како болницата ќе биде надоместена за направената штета.
