(ВИДЕО) НАУМ СТОИЛКОВСКИ СО ПОЛИТИЧКА ГАТАНКА: Ниту ден тој не губи, од крадење се уби...
Објавено во: Македонија 25 Февруари, 2023
Политичка гатанка изрецитира портпаролот на ВМРО-ДПМНЕ, Наум Стоилковски и ја објави на социјалните мрежи. Таа се однесува на првиот вицепремиер Артан Груби.
Видеото го снимил на улицата „Македонија“ во центарот на Скопје на локација за која партијата деновиве објави дека благодарение на моќта на првиот вицепремиер Артан Груби, на име на неговиот брат е купен атрактивен деловен простор со голема површина.
„Политичка гатанка! Гатанка — краток жанр на усното народно творештво. Тоа е двочлен израз составен од прашање и одговор. Денес служи за забава, но во минатото, покрај забавна, имала и педагошка функција, а во уште подалечното минато имала и обреден и иницијациски карактер. Локација: пред најновиот локал на Груби на улица Македонија во Скопје", напиша Стоилковски на Фејсбук.
Груби, во гостувањето на „Само Интервју“ на Канал 5, а во врска со обвинувањата на опозицијата, изјави дека деловниот простор не го купила фирмата на неговиот брат, туку е купен со хипотекарен кредит на физичко лице, кој ќе се отплаќа 20 години.