Синоќа се одиграа два нови натпревари од плеј-инот, со што добивме уште еден учесник во плеј-офот на најсилната кошаркарска лига во светот.
Филаделфија 76ерс, која го совлада Мајами Хит со 105:104, се пласираше во плеј-офот, но ноќта целосно ја одбележа плејмејкерот на Чикаго Булс, Коби Вајт.
Вајт се истакна во победата на Булс над Атланта Хокс од 131:116 и успеа да го повтори подвигот на големиот Мајкл Џордан.
Вајт постигна 42 поена со 9 скока и 6 асистенции, а сето тоа го направи без ниту една загубена топка за 43-те минути на паркетот.
Во историјата на Чикаго Булс само Џордан имаше натпревар без загубена топка, со повеќе од 40 поени и повеќе од 5 скока и асистенции.
Џордан имаше еден таков натпревар во сезоната 1988/1989 со 54 поени, 14 скока и 6 асистенции против Кливленд Кавалирс, а тоа го повтори пет години подоцна. Потоа постигна 52 поена, 9 скока и 5 асистенции против Шарлот Хорнетс. Сето тоа без изгубена топка.
Булс сега ќе играат во финалето на плеј-инот против Мајами, кој беше поразен од Филаделфија, додека сезоната заврши за Атланта.
Жоел Ембиид ја предводеше Филаделфија во плеј-офот со 23 поени и 15 скока, а одличен беше и Николас Батум со 20 асистенции.
Во првото коло од плеј-офот Филаделфија игра против Њујорк Никс, додека победникот од дуелот помеѓу Булс и Хит ќе оди на најдобриот тим во лигата - Бостон Селтикс.
Од другата страна на плеј-оф костурот, западната страна, ривал во првото коло ја чека Оклахома, а тоа ќе биде победникот од дуелот меѓу Сакраменто Кингс и Њу Орлеанс Пеликанс.
Резултати :
Филаделфија 76ерс - Мајами Хит 105:104
Чикаго Булс - Атланта Хокс 131:116
