Еден од омилените зеленчуци кај нас е зелката - не е скапа, а претставува ризница на елементи потребни за телото. Зелката, како и секој друг зеленчук, има најмногу хранливи материи во свежа состојба. Таа е одлична за варењето и метаболизмот воопшто, го зајакнува имунолошкиот систем и му помага на телото полесно да се избори со стресот.
Иако кај нас најчесто во зима се јаде кисела зелка во облик на сарми или подварок, а во летната сезона во салата, не е лоша идеја да испробате едноставен рецепт кој ја „претвора“ зелката во месо.
Шницлите од зелка можете да ги послужите како главно јадење, со салата или некој прелив.
Потребни состојки:
- 1 главица зелка
- 1 лажичка сол
- маслиново масло
- 1 лажичка црн бибер
- 300 мл. теријаки или соја сос
- 1 лажица путер
- 1 лажичка лук во прав
- мешавина од салата (како гарнир)
Начин на подготовка:
1. Главицата зелка поделете ја по должина на парчиња идентични на големина, да личат на шницли.
2. Пропржете го секое парче зелка на путер додека не порумени, а потоа префрлете ги на плех, премачкајте ги со маслиново масло и додајте им сол, бибер и лук во прав. Печете на 200 степени.
3. Откако ќе омекнат и ќе се потпечат, парчињата зелка премачкајте ги со теријаки или соја сос.
4. Послужете со мешавина од салата и зачинете со маслиново масло.
