Пенал рулетот им пресуди на фудбалерите на Манчестер Сити. Актуелните европски шампиони испаднаа од Реал Мадрид во четвртфиналето во Лигата на шампионите. По оние 3:3 во Мадирд, реваншот во Манчестер заврши 1:1. Пенал серијата Реал ја доби со 4:3, Едерсон го одбрани пеналот на Мордиќ, а потоа Лунин ги надмудри Силва и Ковачиќ.
Манчестер Сити не успеа да го добие натпреварот во кој имаше 67% од поседот на топката, 33 удари кон голот (9 во рамките) и 18 корнери.
Разбирливо е дека тренерот Жузеп Гуардиола беше фрустриран во своите изјави.
„Ова е фудбал. Во кој било друг спорт ќе победевме. Не жалиме за ништо што направивме, одигравме одлично на сите делови од теренот, но за жал не победивме. Создадовме шанси да одиме понатаму, но во фудбалот важно е да постигнувате голови. Јохан Кројф велеше дека среќата не постои. Се согласувам со него. Ваквиот пораз боли. Покажавме дека можеме да играме против Реал. Што друго можевме да направиме? Немам што повеќе да кажам?“, изјави каталонскиот стратег.
Слично размислува и играчот од средниот ред на Сити, Родри: „Искрено, вечерва играше само еден тим“.