Москва и Токио не успеале да постигнат мировен договор од крајот на Втората светска војна.
Додека територијалните спорови се дискутираат како главно прашање со години, портпаролот на Кремљ Дмитриј Песков во понеделникот претстави уште една причина.
Според Песков, за сè е виновно присуството на американски војници во Јапонија.
„Де факто одбранбениот сојуз веќе постои и знаеме за воениот потенцијал на Соединетите Американски Држави распоредени во Јапонија - патем, блиску до нашите граници. Ова отсекогаш било пречка за решавање на еден од нашите главни проблеми, проблемот за мировен договор“, изјави Песков за новинарите.
Русија или нејзиниот претходник Советскиот Сојуз и Јапонија никогаш не склучија мировен договор по крајот на Втората светска војна. Главната пречка отсекогаш бил спорот за архипелагот на Пацификот, кој Русите го нарекуваат Курилски Острови, а Јапонците Северни Територии.
За ова во јануари годинава зборуваше и поранешниот руски претседател Дмитриј Медведев, кој рече дека ако Јапонија сака мировен договор, мора да се откаже од своите територијални претензии.
Москва се повлече од мировните преговори во 2022 година, кога ги замрзна и сите заеднички економски проекти поврзани со архипелагот. Причината беа јапонските санкции против Русија поради војната во Украина. Оттогаш нема подобрување во односите.
Како можно објаснување за новото резонирање на Кремљ се нуди самит меѓу јапонскиот премиер Фуми Кишида и американскиот претседател Џо Бајден, кој се одржува оваа недела во Вашингтон.
Јапонскиот премиер ќе го посети Вашингтон за прв пат по девет години. На средбата ќе се разговара за безбедносните и економските врски меѓу двете земји. Кишида и Бајден планираат да разговараат за соработка во одбранбената опрема и подобрување на командната структура на САД во Јапонија.