Путин нареди воени вежби на тактичко нуклеарно оружје
Русија денеска соопшти дека ќе одржи воена вежба која ќе вклучи вежбање на употреба на тактичко нуклеарно оружје по „провокативните закани од западните претставници“, соопшти руското Министерство за одбрана, пренесува Ројтерс.
Министерството за одбрана соопшти дека вежбата е наредена од претседателот Владимир Путин и ќе ја тестира подготвеноста на нестратешките нуклеарни сили за извршување на борбени мисии.
Воените вежби ќе опфатат вежбање на подготовка и распоредување за употреба на нестратешко нуклеарно оружје, соопшти Министерството за одбрана.
Ќе учествуваат ракетни формации во Јужниот воен округ и поморските сили.
„За време на вежбата ќе се спроведат низа мерки за вежбање на подготовка и употреба на нестратегиско нуклеарно оружје“, соопшти Министерството за одбрана.
Русија го има најголемиот арсенал на нуклеарно оружје во светот, а вежбата има за цел да го обезбеди територијалниот интегритет и суверенитет на Русија „како одговор на провокативните изјави и заканите на одредени западни претставници против Руската Федерација“, соопшти Министерството.