ФАКТОР НА ДЕНОT: Силјановска Давкова и Пендаровски со спротивставени ставови за тоа кој бега од дуел, се јави и МТВ

Добивај вести на Viber

СИЛЈАНОВСКА ДАВКОВА И ПЕНДАРОВСКИ СО РАЗЛИЧНИ СТАВОВИ ЗА ТОА КОЈ БЕГА ОД ДУЕЛ

Актуелниот претседател и кандидат за нов мандат, Стево Пендаровски за дуелот за кој објави неговата противкандидатка Гордана Силјановска Давкова вели дека таа самата си закажала дуел. 

Вели дека после јавната бламажа на трите досегашни ТВ дуели, Гордана Силјановска Давкова сфати дека единствен начин да излезе како победник во тие јавни соочувања е да организира разговор со „празно столче“ во договор со јавниот сервис.

Од македонската телевизија, по обвинувањата од тимот на Пендаровски дека Давкова сама си договорила дебата, информираат дека на 26 април упатиле покани за предизборно соочување до кабинетите на кандидатите кои влегоа во вториот круг од претседателските избори, Стево Пендаровски и Гордана Силјановска-Давкова.

-Јавниот сервис како датуми ги предложи – 1 мај (среда), 2 мај (четврток) и 06 мај (понеделник). Во зависност од предизборните активности на кандидатите за претседател, оставивме можност дебатата да се снима во текот на денот или да се реализира во живо во вечерен термин, а конечната одлука за датумот ќе се донесе во договор со кабинетите на двајцата кандидати за претседател. Од тимот на Гордана Силјановска-Давкова, следниот ден, 27 април, известија дека го прифаќаат 2 мај – четврток како термин за дуел со можност за снимање во попладневен термин. Од тимот на Пендаровски немаше одговор до вчера, 1 мај.. Јавниот сервис испрати порака до тимот на Пендаровски да се изјаснат за дуелот, а во одговорот стоеше дека не можат да му ја организираат агендата и дека не можат да успеат.. во духот на професионалноста, јавниот сервис понуди и одделни интервјуа за двајцата кандидати, но од тимот на Пендаровски известија дека нема простор ни за тоа иако јавниот сервис во телефонски разговор остави можност за кој било од наредните денови до изборниот молк, се вели во соопштението од МТВ.

Од македонската телевизија ги отфрлаат информациите од кабинетот на Пендаровски дека Гордана Силјановска-Давкова сама си договорила дуел на МТВ.

Бујар Османи од ДУИ вели дека не може да има Влада без двојно мнозинство, односно парламентарното од 61 пратеник, плус Бадентерово, а ваквите тврдења ги темелеше на Охридскиот рамковен договор.

ИМА ВЛАДИНА ОДЛУКА ЗА ОСИГУРУВАЊЕТО

На 19-та седница Владата донесе одлука со која цената на осигурувањето од автоодговорност се враќа на ниво од пред 25 април 2024 година. 

Владата ја разгледа и усвои Информацијата со Предлог- измени и дополнувања на Тарифата на премии за осигурување на сопствениците на моторни возила од одговорност за штети предизвикани на трети лица.

ЧИТАЈТЕ УШТЕ

Граѓаните, но и еколозите се сложуваат дека во македонските градови е потребно да има повеќе зеленило и паркови.

На крајот на минатата година вкупно 468 изнесува бројот на домаќинства кои како производители-потрошувачли со своите инсталирани фотопанели и двонасочни броила ја искористиле можноста да го продаваат вишокот на произведената електрична енергија од своите покриви, главно на универзалниот снабдувач - во случајов ЕВН Хоме.

Откако лани оствари одличен профит, односно двојно повисок од претходните години, редно е „Витаминка“ да подели и дивиденда за своите акционери. 

Нова иницијатива до Уставниот суд за укинување на членот 2 од Законот за измени и дополнувања на Законот за облигациони односи, каде е наведено дека членот 368 се менува. И оваа иницијатива се однесува на членот од законот во кој се предвидува застарување на долговите, односно се фаворизираат должниците на сметка на доверителите.

Јане Јаневски, син на познатиот бизнисмен Светозар Јаневски, станува претседател на Управниот одбор на „Аутомакедонија“, заземајќи го местото на Џон Кирил Јоновски, кој досега беше на таа позиција. Оваа промена е заведена во Централниот регистер за земјава.

Граѓаните ги препознаваат реалните ветувања, наспроти популизмот. Довербата ни е ветер во грб, за да ги реализираме проектите кои на народот ќе му донесат поквалитетен живот. Чуда се невозможни, во услови на опустошен буџет како што имаме во моментов.