Руска ракета утрово погоди деловна зграда во областа Холосиев во Киев при што загина најмалку едно лице, а уште две се повредени, јави Киев Пост повикувајќи се на градоначалникот на Киев.

Украинската воздушна одбрана утрово пресретнува руски напади откако московските сили истрелаа повеќе од 30 проектили врз Украина, соопшти украинското воздухопловство.

Портпаролот на воздухопловните сили Јуриј Ихнат на украинската телевизија изјави дека околу шест руски авиони Ту-95 „полетале од рускиот регион Мурманск и лансирале проектили”.

– Очекуваме повеќе од 30 проектили, кои веќе почнаа да се појавуваат во различни региони, рече Ихнат, додавајќи дека украинската воздушна одбрана работи на пресретнување на нападите.

Некои проектили го погодија западно-централниот украински регион Винитсија, соопшти гувернерот Серхиј Борзов на Телеграм, но нема информации за жртви.

Mayor @Vitaliy_Klychko confirms explosions in the center of #Kyiv. pic.twitter.com/uA7gus9Kmu

— NEXTA (@nexta_tv) January 26, 2023

Шефот на градската воена управа на Киев, Серхиј Попко, исто така на Телеграм соопшти дека повеќе од 15 крстосувачки ракети биле лансирани „во правец на Киев” и сите биле соборени.

Соборени руски ракети низ цела Украина

Киев запнал за „леопарди“ но нема да одбие ни „абрамс“

Киев запнал за „леопарди“ но нема да одбие ни „абрамс“