Хименез: Го избрав Милан бидејќи е голем клуб

Центарфорот Сантијаго Хименез слета во Милано во саботата навечер за да го комплетира трансферот во Милан.

Мексиканскиот фудбалер доаѓа од Феенорд како замена за Алваро Мората.

Според Фабрицио Романо, зделката е вредна вкупно над 35 милиони евра со бонуси, при што сегашниот клуб на играчот добива процент од идните продажби. Клучна улога имаше и самиот Хименез, кој инсистираше на трансфер.

Пред аеродромот Линато, напаѓачот беше пречекан од навивачите на „росонерите“.

Подоцна пред хотелот го чекаа навивачи.

-Го избрав Милан бидејќи е голем клуб, изјави Хименез.

Сепак, нема опција напаѓачот да учествува на дербито со Интер во недела.