ВИДЕО: Словачки европратеник пушти гулаб во ЕП, посака мир во Европа, Зелените веднаш го нападнаа
Сензација во средата во Европскиот парламент предизвика потегот на европратеникот Мирослав Радачовски од Словачка кога извади гулаб од џебот и да го пушти во просторијата.
Во својот говор, словачкиот европратеник, кој ја предводи десничарската Патриотска партија на Словачка, тврдеше дека неговиот потег е направен како повик за светски мир.
„Посакувам целиот свет, меѓу Русите и Украинците, да има мир. Би сакал да го ослободам овој гулаб како симбол на мирот, да симболизирам дека на Европа и треба мир. Овој гулаб нека стане симбол на единството“, рече во својот говор Радачовски.
🕊️ ‘Europe needs peace’: Miroslav Radacovsky, a member of the European Parliament for the ‘Slovak Patriot’ party, released a dove in the parliament’s debating chamber as he called for peace in Europe and the world pic.twitter.com/itShHouOyK
— Reuters (@Reuters) April 24, 2024
Потегот на словачкиот европратеник, сепак, предизвика реакција кај неговата француска колешка од Зелените, Каролин Руж, обвинувајќи го Радачовски дека користел живо животно против правилата на Европскиот парламент.
„Што ќе направите за да го вратите овој живот, господине? Каде е заштитата на животните во ова движење? Тоа е целосно неприфатлив потег“, рече француската европратеничка додека друг пратеник во Европскиот парламент иронично го прашува Радачовски „сега можеш ли да го фатиш?“.
„Се надеваме дека животното ќе биде добро“, рече потпретседателот на Европскиот парламент Жан-Кристоф Отиен, кој најави дека за инцидентот ќе биде известена претседателката на телото, Роберта Мецола.