Британската веб-страница Illicit Encounters спроведе истражување за да се утврди возраста на која луѓето најчесто изневеруваат во романтичните врски.
Имено, луѓето најмногу прељуба прават на 39 години. Објаснето е дека тогаш се случува голема пресвртница - тогаш влегуваат во средовечна криза или бараат нова возбуда и се решаваат на овој чекор.
По 39, „најневерните“ години се 49, а потоа 29. Освен тоа, летните месеци се особено „опасни“ бидејќи тогаш се случуваат 25 отсто повеќе прељуби.
Советникот за врски Метју Хаси претходно анализираше кои типови на луѓе се најмногу склони кон изневерување. На прво место ги спомна нарцисите.
„Не е доволно за нарцисоидните луѓе да се сакаат себеси, тие мора да бидат сакани од сите околу нив. Тие се чувствуваат прифатено само кога некој флертува со нив, спие со нив или ги бакнува“, рекол тој.
Потоа ги наброја луѓето кои се длабоко несигурни и оние кои немаат морал.
