Од полноќ ќе има ново зголемување на цените на горивата, одлучи Регулаторната комисија за енергетика.
Цената на бензините се зголемуваат за 1,5 денари, додека дизелот поскапува за 1 денар.
Така со новите цени, ЕУРОСУПЕР 95 од утре ќе се продава по цена од 76,5 денари по литар, додека ЕУРОСУПЕР 98+ ќе чини 79 денари по литар. Цената на ЕУРОДИЗЕЛ ќе изнесува 69 денари по литар.
Се зголемува и цената на екстралесното масло за домаќинство за 1 денар, и од утре ќе изнесува 69 денари. Цената на мазутот, пак, ќе порасне за 0,9 денари и од утре ќе изнесува 41,7 денари по килограм.
