Бубрежното заболување се јавува кога нашите бубрези се оштетени и не можат правилно да ја филтрираат крвта. Ова оштетување може да предизвика таложење на отпад и течности во телото, а болестите на бубрезите може да предизвикаат и други здравствени проблеми. Ако не се лекува, бубрежното заболување може да биде опасно за живот, тврдат експертите. Иако се почести кај возрасните, проблемите со бубрезите може да се појават и кај децата.

Истражувачите не знаат точно колку деца имаат бубрежна болест, бидејќи многу од нив имаат малку или воопшто немаат симптоми во раните фази на болеста. Сепак, педијатрите се согласуваат дека болестите на бубрезите се почести кај машките деца отколку кај женските деца. Симптомите кои укажуваат на проблеми со бубрезите кај најмладите се:

-отекување на стапалата, нозете, рацете или лицето
-зголемено или намалено производство на урина
-пенлива урина или крв во урината
-намален апетит
-висока температура
-висок крвен притисок
-чешање на кожата
-гадење или повраќање
-ненадејно губење на тежината
-бавен раст.

Исто така, педијатрите нагласуваат дека симптомите може да се разликуваат од дете до дете, во зависност од причината за самата бубрежна болест. Некои од нив вклучуваат вродени дефекти, наследни болести, инфекции, системски заболувања, одредени трауми или блокада на уретрата.

Извор