За Џереми Микс велат дека е еден од најзгодните мажи, а славата ја стекна поради необичната комбинација на убавина и криминалното минато. По апсењето стана познат како „најубавиот затвореник“, а неговите фотографии го обиколија светот привлекувајќи го вниманието на жените ширум планетата.
Овој атрактивен синоок маж неочекувано стана фигура во светот на забавата, иако во тоа време беше зад решетки. Неговата популарност растеше од ден на ден, а и по излегувањето од затвор продолжи да привлекува деловни понуди, градејќи кариера во манекенството.
Сепак, и покрај убавината, тој немал среќа во животот, а низ него го следела само несреќа. Имено, детството го поминал растејќи со порочни родители. Во еден поткаст тој откри дека пораснал во многу тешки услови, што придонесе подоцна да заврши во затвор.
"Јас сум дете на зависници од хероин. Моето детство беше многу мрачно и грдо, а во тие околности треба брзо да пораснеш. Татко ми ја убил најдобрата пријателка на мајка ми кога сум имал само 9 месеци. Бегавме од него“, се сеќава Џереми.
Поради односот со родителите и тешките ситуации со кои се соочувал како дете, Џереми на 15 години станал член на банда и живеел на улица. Така бил застрелан дури пет пати, а поради животот што го живеел поминал 20 години зад решетки.
"18 месеци во затвор, мојот прв цимер беше Чарлс Менсион, па дури и кога излегов, не се ослободив од тој затворски менталитет. Беше тешко, но ме спаси разумен судија кој ми ја намали казната", рекол тој, додавајќи дека денес е сосема друг човек.
Откако неговата фотографија од затвор стана вирална во 2014 година и неговиот изглед го привлече вниманието на јавноста, не му требаше долго време да изгради завидна манекенска кариера.
Исто така, толку згоден, тој се вљубил во Клои Грин, ќерката на милијардерот Филип Грин, со која имал двегодишна врска и добил син. Меѓутоа, нивната љубов пукнала пред два месеци, а американските таблоиди пишувале како Клои била фатена во прегратките на друг маж.
Пред неа тој беше во брак со Мелиса Микс, со која има две деца. Иако Мелиса и Џереми се разведоа во 2018 година, Џереми и Клои се запознаа една година пред тоа. Наводно и тие биле свршени, но тоа никогаш не било официјално потврдено.
