• Горан Упале
Ракометната селекција на Хрватска беше толку блиску, но сепак далеку до ново светско злато. Во финалето во Осло моќната Данска ја продолжи доминацијата и го освои четвртата светска титула во низа.
Ова беше прв медал за хрватските ракометари на Светските првенства по бронзениот медал во 2013 година во Шпанија, а вкупно шести, вклучувајќи го и четвртиот сребрен медал. Со финалниот натпревар Домагој Дувњак официјално се прости од репрезентацијата, а на крајот од натпреварот Данците направија гест за пофалба.
Дувњак се збогува од хрватската репрезентација со девет освоени медали и ќе остане запаметен како еден од најголемите хрватски спортисти на сите времиња. Покрај овој медал Дувњак во репрезентативната кариера освои сребро на Светското првенство во 2009 и бронза на Светското првенство во 2013 година, а на Европските првенства има три сребрени (2008, 2010, 2020) и две бронзени одличја (2012, 2016). Покрај сето ова, освои бронзен медал на Олимписките игри во Лондон во 2012 година.
Своето деби за Хрватска го имаше во 2006 година и одигра повеќе од 260 натпревари, што го прави рекордер по бројот на настапи, а воедно е и најдобар стрелец на сите времиња во националниот тим. Можеби си замина без трофеј, но дефинитивно остави неизбришлива трага во хрватскиот ракомет.
