ПРИНЦОТ ХАРИ СЕ ВРАЌА ВО БРИТАНИЈА: Еве зошто го прави тоа
Објавено во: Свет 29 Април, 2024
Принцот Хари ќе се врати во Британија. Причината за неговото доаѓање е прославата на десетгодишнината од меѓународната спортска манифестација наречена „Invictus Games“, која тој ја основал, во лондонската катедрала Свети Павле.
Во рамките на службата, на насобраните воени ветерани и членови на заедницата Invictus ќе им се обрати принцот Хари, а соодветниот текст ќе го прочита британскиот актер Демијан Луис. Организаторите порачаа дека на овој начин „ќе биде одбележана една деценија во која животот на многу луѓе се сменети и спасени преку спортот“.
Откако престана да работи како член на британското кралско семејство во 2020 година, Хари отпатува во Британија само неколку пати. Меѓу другото, тоа беше погребот на неговата баба кралицата Елизабета во 2022 година и крунисувањето на неговиот татко во мај 2023 година.
Средба со таткото
Принцот Хари последен пат беше виден во Британија во февруари оваа година, кога накратко се сретна со својот татко откако монархот објави дека му бил дијагностициран рак.
Б92