Принцот Вилијам, кој го минува викендот во Понтиприд, Јужен Велс, ги сподели своите честитки во кратко видео на социјалните мрежи, објави Дејлимаил. Кога беше преведен на англиски, тој рече:
"Здраво. Денес, на Денот на Свети Давид, се собираме да го славиме Велс - неговата историја, неговата култура и неговите неверојатни луѓе. Од неговите зачудувачки пејзажи до неговиот јазик, Велс продолжува да инспирира. Денеска ќе го прославиме сето она што е магично за Велс. На луѓето од Велс и на сите ширум светот, Среќен Ден на Свети Давид."
Видеото беше насловено: „Среќен ден на Свети Давид од принцот од Велс“.
Принцот Вилијам (42) на реверот носел нарцис, националниот цвет на Велс, кој традиционално се носи на Денот на Свети Давид.
Prince William shocks royal fans as he delivers St David's Day message entirely in Welsh https://t.co/PcJDPB7vWA
— Daily Mail Online (@MailOnline) March 1, 2025
Свети Давид е заштитник на Велс, а неговиот ден се слави секоја година на 1 март. Оваа традиција датира од 12 век, кога свети Давид бил канонизиран.
Овој празник традиционално се слави во Велс со носење нарциси и праз, консумирање традиционална велшка храна и носење народни носии. Градовите како Кардиф, Свонси и Абериствит обично организираат паради за да го одбележат овој ден.
Happy St David’s Day from The Prince of Wales 🏴
— The Prince and Princess of Wales (@KensingtonRoyal) March 1, 2025
Dydd Gŵyl Dewi Hapus gan Dywysog Cymru 🏴 pic.twitter.com/0PryZlImBl
Принцот Вилијам во септември 2022 година откри дека се обидува да го научи велшкиот јазик, откако ја презеде титулата принц од Велс по смртта на неговата баба, кралицата Елизабета Втора.
Во 2024 година, тој откри дека ја користел популарната апликација за учење јазик, Duolingo, за да му помогне со учењето. За време на посетата на Ланели, каде што присуствуваше на фестивалот посветен на младите говорници на Велс, тој рече дека ја симнал апликацијата Duolingo и дека се обидува да го научи велшкиот „фонетски“.
Принцот Вилијам и Кејт Мидлтон ги наследија титулите принц и принцеза од Велс по смртта на кралицата Елизабета Втора во септември 2022 година, откако претходно ги носеа титулите војвода и војвотка од Кембриџ. Неговиот татко, сега крал Чарлс III, ја држел титулата принц од Велс повеќе од 64 години.
© Vecer.mk, правата за текстот се на редакцијата
