ДЗС: Просечната плата во февруари изнесува 39.276 денари

Според податоците на Државниот завод за статистика (ДЗС), индексот на просечната месечна исплатена бруто-плата повработен во февруари 2024 година, во однос на февруари 2023 година, изнесува 116.8.

Просечната месечна исплатена нето-плата по вработен, во февруари 2024 година, изнесува 39 276 денари.

Ваквото зголемување се должи, пред сѐ, на зголемувањето на просечната месечна исплатена бруто-плата по вработен во секторите: Јавна управа и одбрана; задолжително социјално осигурување (25.4 %), Административни и помошни услужни дејности (22.8 %) и Уметност, забава и рекреација (20.3 %). Намалување на просечната месечна исплатена бруто-плата по вработен, во однос на претходниот месец, е забележано во секторите: Транспорт и складирање (9.8 %), Рударство и вадење на камен (7.4 %) и Земјоделство, шумарство и рибарство (5.1 %), соопштуваат од ДЗС.

Просечната месечна исплатена бруто-плата по вработен, во февруари 2024 година, изнесува 58 967 денари.

Извор: Државен завод за статистика

Фото: Принтскрин