Диететичарот Џеси Федер и нутриционистката Лиза Ричардс издвојуваат три такви појадоци.

1. Сланина

Сланината е популарна опција за појадок. За жал, тој одличен вкус може да има скапа цена ако го јадеме редовно. „Сланината е богата со заситени масти и натриум. Заситените масти може да предизвикаат воспаление низ телото и цревата, што доведува до надуеност и дигестивни проблеми“, вели Федер за „SheFinds“.

Наместо обична сланина, тој препорачува мисиркина сланина со намален натриум. „Оваа замена ви овозможува да го намалите внесот на заситени масти и натриум, промовирајќи подобро здравје на цревата“, предложува тој.

2. Колбаси

Слично на сланината, Федер истакнува дека колбасите се полни со заситени масти и натриум. „Овие компоненти исто така можат да предизвикаат воспаление во телото и цревата и да ја влошат надуеноста и дигестивните проблеми“, додава тој.

Како поздрава алтернатива, тој предлага повторно замена со мисиркино месо, односно колбаси направени со мисиркино месо.

3. Слатки житарки

Според Ричардс, зашеќерените житарки можат да влијаат на нашето варење од неколку аспекти. „Прво, тие често се многу преработени и со малку влакна, што може да доведе до констипација и други дигестивни проблеми“, предупредува нутриционистот.

Потоа, тука е проблемот со екстремно високата содржина на шеќер, што може да го наруши балансот на бактериите во цревата, што доведува до воспаление и други дигестивни проблеми, според експертот. „Дополнително, консумирањето високо ниво на шеќер е поврзано со зголемен ризик од дебелина, што е исто така поврзано со лошо здравје на цревата“, заклучува Ричардс.