Нутриционист ги открива знаците кои покажуваат дека сте зависни од шеќер и советува како да се ослободите од оваа лоша навика.
Нутриционистката Лајза Кокејн вели дека зависноста од шеќер можете да ја препознаете доколку имате големи падови на енергија во текот на денот, а знак може да бидат и честите промени на расположението.
„Со зависноста од шеќер, како и со секоја друга зависност, станува сè потешко да се задоволат потребите. Колку и да сте сити, сепак копнеете за нешто слатко“, вели Кокејн.
Таа тврди дека единствениот начин да се ослободите од зависноста од шеќер е целосно да се откажете од него, 21 ден. Истакнува дека после тоа вашата желба за слатки треба или целосно да исчезне или да се намали.
Ако сте емотивни или имате проблеми со анксиозност, тоа може да бидат и показатели за зависност од шеќер.
„Покрај желбата за слатки и големите падови на енергија, уште еден знак за зависност од шеќер е вашата лична емоционална реакција на она што штотуку сте го изеле. Тобоганот од добри и лоши чувства влијае и на хормоните. Поради тоа, некои луѓе стануваат летаргични, па дури и анксиозни“, објаснува нутриционистката.
Бидејќи се чувствуваме лошо или немаме енергија, посегнуваме по повеќе слатки, а со тоа влегуваме во маѓепсаниот круг на зависност од шеќер.
1. Ја криете љубовта кон шеќерот
2. Ви треба с è поголема количина за да ја задоволите потребата за благо
3. Јадете благо и кога не сте гладни
4. Секогаш копнеете слатка храна
5. Желба и за солена храна, особено да ја ајдете наизменично со благата
6. Кога не јадете благо, чувствувате необични симптоми како што се главоболки, замор или промени во расположението
7. Јадете благо секогаш кога ќе се чувствувате лошо
8. Запознаени сте со лошите последици од благото, но сепак го јадете
9. Станувате среде ноќ да јадете нешто благо
10. Се чувствувате виновни што јадете благо.
„Единствениот начин е да престанете да ја храните вашата зависност. Секој пат кога копнеете за нешто слатко и јадете шеќер за да ја задоволите таа желба, тоа е само краткорочно решение. Колку повеќе јадете, толку повеќе копнеете за тоа. Кога ќе почнете да се борите со ако не ја нахрани вашата потреба за слатки, таа ќе стане послаба или можеби целосно ќе исчезне“.
Нутриционистката предлага да се обидете да го „излажете“ вашиот мозок со тоа што ќе си кажете дека ќе јадете нешто благо за десет минути, а тоа ќе го повторувате додека не исчезне желбата.
Ве советува да пиете и билни чаеви, особено оние со силен вкус, бидејќи ќе ја блокираат желбата за благо.
Лајза истакнува дека на почетокот ќе биде тешко, но дека кога ќе почнете да ја менувате лошата навика за прекумерно консумирање слатки, ќе можете да создадете нови навики.
На пример, ако сте навикнати да јадете бисквити со кафе, првите денови ќе ви биде тешко да не го направите тоа, но после тоа малтен нема ни да ви падне на памет.
„Во многу случаи, желбата е поврзана со навиките, па затоа е важно да започнете да создавате здрави навики. Колку повеќе го намалувате внесот на шеќер, толку е помала веројатноста да копнеете за слатки.“
Таа посочува дека кај повеќето луѓе желбата за слатки се намалува по ден-два избегнување на шеќер и дека е одлично што набрзо престануваат да чувствуваат неконтролирана потреба за благо, за да можат да направат поразумен и поздрав избор кога е храната во прашање.
Сепак, Лајза вели дека тоа не значи дека засекогаш треба да се откажете од шеќерот.
„Нема да го сакате како порано, но кога сакате нешто слатко, ќе има одличен вкус. Дури и овошјето ќе испрати сигнал за награда до мозокот.“
Нутриционистката вели дека гладот е вашиот најголем непријател кога се обидувате да ја ослободите зависноста од шеќер и тоа е главната причина зошто луѓето посегнуваат по брза ужина.
За да го спречите тоа, таа советува да јадете многу храна богата со хранливи материи, богати со протеини и посочува дека ако вообичаено јадете многу преработена храна, желбата за слатки може да биде знак дека ви недостасуваат минерали и хранливи материи.
„Многу е важно да консумирате многу зеленчук и макронутриенти, здрави масти, протеини и витамини, бидејќи на тој начин има помали шанси за желба за нездрави јаглехидрати кои брзо ја ‘доставуваат’ енергијата на телото“.
Тврди дека наскоро ќе се чувствувате подобро, дека за неколку дена ќе спиете подобро од било кога, ќе имате повеќе енергија и нема да имате нагли и чести промени на расположението.
