Иако екраните станаа незаменлив дел од нашиот секојдневен живот, поминувањето премногу време пред нив може да биде навистина лошо за децата. Многу експерти предупредуваат дека прекумерната или несоодветна употреба на екраните може да предизвика различни проблеми во физичкиот и емоционалниот развој на детето, како што е појавата на дебелина, проблеми со спиењето, видот или однесувањето, главоболки и депресија.

Но, како можат родителите да препознаат дека нивното дете е зависно од екраните или поминува премногу време пред нив? Иако знаците често се разликуваат од дете до дете, повеќето од нив се заеднички за сите. Тие знаци се следните:

-детето сака да биде пред екранот наутро веднаш откако ќе се разбуди
-се жали или се лути кога е време да го исклучите уредот
-постојано размислува и/или зборува за омилените цртани филмови, игри или видеа
-често лаже за тоа колку време поминува на екранот
-покажува знаци на среќа само кога користи екрани или изгледа фрустрирано кога не ги користи
-повеќе не е заинтересирано за други работи или активности во кои некогаш уживало
-сака да поминува сѐ повеќе време пред екранот
-има проблеми со спиењето
-има чести промени во расположението
-често се жали на главоболка или болка во вратот.

Сепак, експертите предупредуваат дека некои од овие показатели може да бидат симптоми на нешто друго освен прекумерна или несоодветна употреба на екранот, па затоа е препорачливо да се консултирате со лекар кој најдобро ќе процени за што точно се работи.

Извор