• Горан Упале
Екипата на Ријека е вториот патник во финалето во хрватскиот национален Куп. Второпласираниот тим во домашниот шампионат пред својата публика извојува минимална победа над Истра (1-0) и втора сезона по ред ќе се бори за трофејот во најмасовното натпреварување во Хрватска.
Решавачкиот момент на натпреварот во Ријека се случи во самата завршница, откако во 86. минута Фрук го пронајде патот до гостинската мрежа и на својот тим му обезбеди меч за титулата. Македонскиот репрезентативец Јован Манев не доби шанса за настап кај победничкиот тим.
- Извештај од натпреварот:
Така, во финалето на хрватскиот Куп ќе гледаме македонски дуел, затоа што противник на Ријека ќе биде тимот на Славен Белупо, клуб за кој настапува Илија Несторовски. Во денешното полуфинале искусниот напаѓач беше прецизен во пенал-серијата, по која Славен славеше над Осијек.
