Се поголеми проблеми за Американците: Не успеваат да ги плаќаат ратите од кредитите за нови автомобили!
Американските купувачи должат просечно 5.500 долари за купување возило, што е блиску до нивоата пред пандемијата
Просечната месечна рата на автомобилот се движи до 800 долари, младите купувачи ги занемаруваат плаќањата за своите автомобили, а повеќето луѓе плаќаат повеќе од илјада долари месечно за својот автомобил. Bloomberg објави дека рекорден број Американци доцната со плаќањата на кредитите за своите автомобили. Бројот на луѓе во проблеми ги загрижува сите, од самите возачи до продавачите кои на овие луѓе им продавале возила и им давале кредити. Bloomberg известува дека дилерите пријавуваат повеќе купувачи од кога било со минус од 10.000 долари или повеќе, кои сега сакаат да го заменат своето возило и да го префрлат тој долг на друг заем или да го рефинансираат. Податоците покажуваат дека просечната сума што Американците ја должат за нивните автомобилски заеми брзо се приближува до нивоата пред пандемијата, додека зголемувањето на цените на возилата и подолгите рокови за кредитите, исто така, ги загрижуваат оние во индустријата, но тоа зависи од базата на клиенти.
Се нагласува дека најголем проблем има со отплатата на кредитите за поевтините, семејни автомобили. Со отплатите за BMW или Mercedes на пример, нема проблем. Ако купувачите продолжат по патот по кој се движат, балонот наречен автомобилски кредити едноставно ќе пукне. Веќе не е прашање дали, туку кога, според американските аналитичари.