Хакерите лесно можат да упаднат во многу автомобили и да направат голема штета!
Колку автомобилите се отпорни на хакерски напади?
Најново истражување покажува огромни пропусти, кои вештите хакери можат да ги искористат за злонамерни операции. Американскиот хакер Сем Кари и неговиот тим спровеле опсежно истражување за автомобилските брендови и безбедноста на нивните софтверски системи. Во текот на своето истражување, Кари открил многу безбедносни пропусти во софтверот на брендовите како BMW, Mercedes, Toyota и Kia.
Кај брендовите како Mercedes, BMW и Ferrari, Кари можел да прегледува и уредува големи делови од сметките на сопствениците и вработените на компанијата. За брендовите како Kia, Honda, Nissan, хакирањето отишло уште подалеку. Во тие автомобили, тој можел да ги отклучи автомобилите, да го запали моторот, да го запре моторот, да го лоцира возилото, да ги вклучи светлата и многу повеќе. Во Kia, тој дури можел далечински да пристапи до камерата од 360 степени и да гледа слики во живо од автомобилот.
Во Land Rover, Jaguar, Ford и Toyota, Кари и неговиот тим можеле да пристапат до личните информации на сопствениците на автомобили, дури и до нивната домашна адреса во некои случаи.
Поентата на приказната е дека производителите на автомобили треба посериозно да ја сфатат заштитата на автомобилите. Хакерите со лоши намери можат да направат голема штета.