Намерата на повеќето родители од самиот почеток на животот на нивните деца е да ги воспитаат да бидат пристојни луѓе, кои ќе ги почитуваат другите, но и да знаат да застанат во одбрана на себеси. Но, што е со родителите чие воспитување на девојчињата оди во насока на „идеално девојче“? Беспрекорно учтиви и пристојни луѓе кои не смеат да направат ниту една грешка: ваквото воспитување понекогаш може да има спротивен ефект, па дури и штетни резултати.

Изградбата на трајни врски може да биде проблем за неа

Секој сака грижлив пријател. Оној на кој ќе може да смета во моменти кога ќе му биде најпотребен. Меѓутоа, ако сте премногу фокусирани да ги задоволите другите луѓе, да бидете секогаш тука за нив и да „скокате“ на нивниот прв повик или порака, големи се шансите вашите пријатели да „трчаат“ кај вас само кога ќе им треба помош. Затоа, ако го воспитувате вашето девојче во такво светло, истото може да се случи. Ова е причината зошто повеќето врски, без разлика дали се пријателски или романтични, стануваат лажна и еднонасочна улица.

Луѓето можеби нема да ѝ веруваат

Бидејќи можете да го воспитувате вашето девојче да биде несебично, луѓето може да почнат да го гледаат како несигурно. Ова често се случува во денешниот свет затоа што другите луѓе понекогаш мислат дека зад нејзината автоматска добрина се крие некоја друга задна намера. Не само што поради тоа ќе ја третираат со сомнеж, туку може да се смета и за „слаб карактер“ затоа што секогаш ги слуша другите и нема свој глас.

Нема да има премногу време за себе

Постои една изрека која вели дека за да им помогнете на другите, прво треба да знаете како да си помогнете себеси. Работата со „предобро“ воспитаните луѓе, особено девојчињата, е тоа што тие често ги ставаат другите луѓе и нивните проблеми пред своите. Затоа, ако ја воспитувате како совршена девојка, несебична личност, таа ќе продолжи да ги прави овие напори во иднина и речиси секогаш ќе се труди да им угодува на другите. Затоа нема да има време да биде љубезна кон себе и постои голема веројатност своите потреби и желби да ги стави на чекање.

Ќе може лесно да манипулираат со неа

Бидејќи е претерано сочувствителна и грижлива кон сите, вашата ќерка може да стане наивна и да не забележува штетни ситуации и несоодветни околности за неа. Ова им дава можност на другите луѓе да ја контролираат, односно да ја искористат нејзината добрина. Постојаната желба да им се допадне на другите и да биде учтива, исто така, може да ја доведе во опасност да биде злоупотребена или тешко да го каже зборот „не“ на она што некој ѝ го нуди.

Проблеми со менталното здравје

Чинот на постојано давање на себеси може да се покаже како исцрпувачки. Човек може да ги скрие својот умор и тага зад насмевката, но тоа што ќе ги задоволи другите и не добива ништо за возврат, на крајот ќе влијае врз неговото ментално здравје. Може да ги крие своите емоции, а тоа може да резултира со анксиозност и депресија.

Извор