Како што јави Си-Ен-Ен, речиси половина од земјата е потопена, додека повеќе од 100.000 луѓе се загрозени.
Обилните дождови започнале во средината на март, но поројните дождови се интензивирале во текот на изминатата недела, што доведе до огромни поплави. Кенискиот Црвен крст објави дека од почетокот на март интервенирале во речиси 200 спасувачки операции. Во главниот град Најроби, вчера беа затворени бројни патишта, а неколку населени места беа поплавени по уште еден ден со поројни врнежи.
Deadly floods are wreaking havoc across large swathes of east Africa.
— BBC News Africa (@BBCAfrica) April 25, 2024
Hundreds of thousands have been displaced and around 100 people have lost their lives in Kenya, Tanzania and Burundi.
Have you been affected by the heavy rainfall and flooding?
🔗 https://t.co/g8yAcd4tpF pic.twitter.com/iN6wMrHdfl
- Ситуацијата во Најроби ескалира до екстремни нивоа. Окружната влада, и покрај нејзините најдобри напори, беше преоптоварена. Потребни ни се сите национални служби за итни случаи, тие мора да се мобилизираат за да спасат животи - напиша градскиот сенатор Едвин Сифуна на својот профил на социјалната мрежа Икс, поранешен Твитер.
The situation in Nairobi has escalated to extreme levels. The County Government for all its efforts is clearly overwhelmed. We need all national emergency services mobilized to save lives. pic.twitter.com/NQb1dfbIwm
— Edwin Sifuna (@edwinsifuna) April 24, 2024
Тој сподели видео од жителите заробени на покривите на нивните куќи во сиромашниот кварт во Најроби.
Црвениот крст на Кенија соопшти дека спасиле 18 лица во населбата Матаре 4А. Два главни автопати надвор од Најроби беа силно пренатрупани во средата откако делови од патиштата беа поплавени. Затворени се четири патни правци, а на два воведени се вонредни мерки.
– Сообраќајната полиција и нашиот технички тим се на терен за насочување на сообраќајот и подобрување на безбедноста на учесниците во сообраќајот, соопштија надлежните.
Кениските железници ги суспендираа приградските возови низ целата земја. Истовремено, метеоролозите најавија нови врнежи во поголем дел од земјава.
