Рускиот извоз на дизел продолжува да опаѓа поради нападите на украински беспилотни летала
Рускиот извоз на дизел продолжи да се намалува поради нападите со украински беспилотни летала врз нафтените рафинерии низ целата земја, објави Блумберг, цитирајќи податоци од аналитичката компанија „Кплер“, објави „Блумберг“, а пренесе „Kyiv independent“.
Според „Кплер“, Русија извезла околу 740.000 барели сурова нафта дневно во 10 дена до 13 април, што е намалување од 25 отсто во однос на истиот период претходните четири години.
Во последните неколку недели, украинските сили започнаа серија напади со беспилотни летала со цел да ја оштетат руската нафтена индустрија.
Вкупно 12 руски нафтени рафинерии, наводно, биле успешно погодени во повеќе региони длабоко во руската територија од 17 март.
Украина, исто така, нападна една од најголемите руски нафтени рафинерии на 2 април во градот Нижнекамск во Татарстан, над 1.000 километри од границата со Украина.
Нападите предизвикаа критики од американските власти, кои јасно ставија до знаење дека САД не ја поддржуваат тактиката на Украина за напад врз рафинериите за нафта, наведувајќи ги стравувањата дека тоа може да го загрози глобалниот енергетски пазар.