Седумкратниот шампион и возач на Мерцедес, Луис Хамилтон, се присети на старите времиња и играше ретро игрици на конзолата PlayStation 1 на Sony.
Се работи за игрици за кои многумина чувствуваат носталгија, имено „F1 2000“, „Gran Turismo“, „Driver“ и други.
Кога го вклучи телевизорот и ја стартуваше конзолата, Луис се сети на „Driver“ и го возеше автомобилот на полигонот. Потоа ја избра „F1 2000“ и истакна дека секогаш го избирал болидот на Мекларен. Потоа дојде редот на „Gran Turismo“ каде го избра виолетовиот R33 Nissan Skyline GT-R.
Да потсетиме дека во аркадниот режим на игрицата „GT1“ беа понудени 37 автомобили, а GT-R претставуваше еден од најдобрите. Во овој случај, Мерцедес не можеше да избере бидејќи германската марка се приклучи на франшизата со објавувањето на игрицата „Gran Turismo 2“. Идниот Ф1 тим на Хамилтон, Ферари, пристигна во игрицата дури во „Gran Turismo 5“.
„Неверојатно е до каде стигна графиката. Мојата прва конзола беше оригинален Nintendo и добив PlayStation 1 за Божик откако моите родители заштедија пари. Сепак, сакав нова кацига, па го вративме PS-от и ја купивме. Не можев да си дозволиме да ја лакираме, така што татко ми го направи тоа. Се сеќавам дека играв Ф1 2000 и игрици пред неа. Секогаш го земав Мекларен, потпишав договор со нив и сонував да бидам во тој болид. Контролите се многу различни. 'Gran Turismo' е дефинитивно најдобрата игрица што сум ја пробал поради начинот на кој се движат автомобилите. Ги поминав 'GT', 'Mario', 'Mortal Kombat', 'Street Fighter', сите наслови на 'Call of Duty', 'Crash Bandicoot', 'GTA'... како и старите игрици“, изјави Хамилтон.
Во видеото Хамилтон откри дека сѐ уште одвојува време за гејминг и дека најмногу игра „Call of Duty“ и „Fortnite“.
