Уругвајскиот напаѓач од редовите на Ливерпул Дарвин Нуњез често пати е мета на критики од навивачите поради големиот број неискористени прилики за гол во последните две сезони.

Не би можело точно да се каже каде би бил Ливерпул ако Дарвин искористеше поголем дел од шансите кои ги имаше, меѓутоа веројатно „црвените“ ќе беа во сериозна трка за титулата.

Уругвајскиот напаѓач беше платен астрономски 85 милиони евра, постигна 18 голови и 13 асистенции сезонава, но со оглед на шансите бројката на голови можеше да биде многу поголема.

Со заминувањето на Јирген Клоп кон инсистираше на негово доведување постои можност клубот да се одлучи да го продаде. Токму последниот потег на Уругваецот на социјалните мрежи е во таква насока.

Имено, „деветката“ на Ливерпул ги избриша сите фотографии во клупскиот дрес од својот Инстаграм профил и остави само приватни и оние од уругвајската репрезентацијата. Причината за ваквиот потег може да се најде во бројните навреди и критики кои Дарвин ги добиваше од навивачите.

Nunez has deleted all of his recent LFC related pictures pre November 2022 on his Instagram. pic.twitter.com/Fr8Z6Siqjt

— LFC Transfer Room (@LFCTransferRoom) May 5, 2024