Србинот Новак Ѓоковиќ се подготвува за стартот на Мастерсот во Рим, а во меѓувреме дозна дека до 10 јуни, односно до крајот на „Ролан Гарос“, ќе биде тенисер број еден на планетата и дека тој ќе го продолжи своето владеење на 428 недели.

Се поставува прашање колку таа доминација и натаму ќе продолжи, а тоа ќе зависи од Јаник Синер. Доколку Италијанецот игра на „Ролан Гарос“, Ѓоковиќ ќе мора да биде на највисоко можно ниво за да остане на врвот на планетата.

Синер во моментов не е сигурен поради повредата на колкот и најави дека нема да игра доколку не е 100 отсто здрав. Доколку Синер стигне до полуфиналето на „Ролан Гарос“ (лани беше елиминиран од Даниел Алтмаер во второто коло), еве како Ѓоковиќ може да остане на врвот:

1. Да победи на Мастерсот во Рим и да стигне до полуфиналето на Ролан Гарос

2. Да игра финале во Рим, како и финале на Ролан Гарос

3. Да стигне до полуфиналето на Рим и да ја освои титулата на Ролан Гарос

Доколку Синер стигне до финалето на Ролан Гарос, Ѓоковиќ мора да ја освои титулата во Париз и да се пласира во полуфиналето во Рим.

Карлос Алкараз има 2,645 поени помалку од српскиот ас и не може да му се закани до крајот на Ролан Гарос, освен во случај на елиминација на Ѓоковиќ во првите кола. Новак има 9,990 поени, втор е Синер со 8,860, а трет Алкараз со 7,345.

Новак Ѓоковиќ имаше поволен ждреб за турнирот во Рим