„Тивко мнозинство луѓе во автомобилската индустрија ја доведуваат во прашање исклучиво електричната иднина“, вели првиот човек на Toyota
Првиот човек на Toyota, за The Wall Street Journal вели дека алтернативите на електричните возила почнале да добиваат потопол прием кај владините претставници
Од сите големи производители на автомобили, Toyota е можеби најскромна кога станува збор за имплементацијата на електрични возила. Се движи, но бавно. Јавноста смета дека на Toyota не е премногу „загреана“ на електричната мобилност, иако најавува серија електрични модели, но има и позадина, која не е само слободно уверување на надворешните набљудувачи. Извршниот директор на Tоyota, Акио Тојода, тврди дека е меѓу тивкото мнозинство од оние во автомобилската индустрија кои се прашуваат дали електричните возила се единствениот пат напред.
Говорејќи пред новинарите, Тојода го повтори своето верување дека најдобриот пат напред е да се развие низа различни технологии за погонски агрегати, вклучувајќи хибриди, plug-in хибриди, возила со водород и електрични возила. Тоа се случува и покрај фактот што многу од најголемите светски производители на автомобили веќе се обврзаа на целосно електрична иднина. Тој е на мислење дека играњето само на една карта не е добро. Тојода за The Wall Street Journal вели дека алтернативите на електричните возила почнале да добиваат потопол прием кај владините претставници и медиумите.
„Пред две години јас бев единствениот што даваше такви изјави“, додава Тојода.