Фудбалерите на Манчестер Сити со четири гола на Ерлинг Халанд и еден на Хулиан Алварез го „демолираа“ Вулверхемптон со 5:1, во 36. коло од англиската Премиер лига.
Ерлинг Халанд беше одличен, постигна четири гола од кои два од пенал. На овој начин „граѓаните“ ја задржаа „пол-позицијата“ во борбата за титулата со Арсенал. На две кола пред крајот тимот од Лондон има бод повеќе, но Сити има меч помалку и доколку ги победи Фулам и Тотенхем на гости, а Вест Хем дома, ќе ја одбрани титулата шампион на Англија без разлика на резултатите на Арсенал.
