Токму таа состави листа на облека што треба да исчезне од гардероберот на секоја жена. Откако ќе го направиме тоа, во нашите плакари ќе го има она што навистина ни е потребно.

Веројатно имате облека во вашиот плакар што не сакате да ја носите или што ви се допаѓа, но едноставно не ви стои. Секоја жена поседува вакви парчиња, а еве со кои од нив треба да се збогувате.

Секој од нас има колекција на поединечни чорапи (знаете - машината за перење редовно јаде по еден чорап). Ерлангер советува прво да го ослободите плакарот од осамените чорапи. Направете си го животот полесен наутро.

Бели маици во лоша состојба

Белата маица е одлично парче облека, но секоја маица во лоша состојба дефинитивно треба да ја исфрлите од вашиот плакар. Дури и ако тие се вашите омилени маици, мора да го прифатите фактот дека тие никогаш нема да бидат нови, што ја прави невозможна нивната повторна употреба. Исто така, белата кошула мора да биде снежно бела, инаку често изгледа валкано.

Неудобни чевли со висока потпетица

Погледнете во плакарите за чевли. Веројатно имате убави чевли, но за жал не можете да одите со нив. Ако сте ги носеле и се испостави дека петицата е повисока од она на кое сте навикнати и можете да го носите или имате болки во стапалата - ослободете се од овие чевли. Направете простор за нови, подеднакво убави, но дефинитивно поудобни чевли.

Фармерки кои не одговараат на вашата силуета

Фармерките со текот на времето ја менуваат формата, па сосема е нормално по некое време да не одговараат на нашето тело. Од време на време, пробајте ги фармерките и исфрлете ги оние што не ги носите и не ви одговараат повеќе. Ова ќе ве спаси наутро кога избирате што да облечете. Додека ги пробувате сите модели во плакарот, веројатно ќе сфатите дека 80% не се соодветни за употреба.