Консумирањето на нездрава храна во студијата се наведува како еден од главните фактори за пократок животен век. Можеби не е случајно што пазарот на закуски и грицки „експлодирал“ во средината на 60-тите. Но, нашиот сè постресен начин на живот, лошото ментално здравје, дебелината и недостатокот на активност исто така играат важна улога.

Студија на „Универзитетот во Мичиген“ од 2021 година дури и покажала дека иако еден хот дог може да ви го скрати животниот век за 38 минути, парче лосос може да го продолжи за 70 минути.

Голема студија објавена минатата година (2023) ги идентификувала најважните фактори за намалување на ризикот од прерана смрт или тешки болести, а тоа биле: редовното вежбање, здравата исхрана, добриот сон, позитивни социјални односи, избегнување алкохол и никотин.

Објавен е списокот на навики кои го зголемуваат и намалуваат животниот век.

Квалитетниот сон го продолжува животот до 5 години

Се покажало дека лошиот сон (помалку од седум часа навечер) влијае на здравјето на срцето, хормоните, како и на имунолошкиот систем, зголемувајќи го ризикот од болести, депресија, па дури и рак.

Студијата на „Медицинскиот факултет на Харвард“ од 2023 година покажала дека 7-8 часа спиење секоја ноќ може да го зголеми животниот век за 4,7 години за мажите и да додаде 2,4 години за жените.

Избегнувањето на алкохол го продолжува животот до една година

Застрашувачки, научниците го нарекуваат алкохолот „канцероген невротоксин“ бидејќи е токсичен за вашиот нервен систем и може да предизвика канцерогени промени во дигестивниот тракт. „Умерено пиење“ според зборовите на научниците, односно повремена чаша вино или пиво може да додаде една година на вашиот потенцијален животен век (или да ја намали вашата биолошка возраст за една година). Но, секој пијалак над препорачаните граници (14 единици или 6 чаши вино или 6 литри пиво неделно) го зголемува ризикот од болести и го скратува вашиот животен век. Студија на „Универзитетот во Кембриџ“ од 2018 година покажала дека 4 единици дневно над таа безбедна граница (т.е. три чаши вино навечер) се доволни за да се намали животниот век за две години.

Редовните сексуални односи го продолжуваат животот до 7 години

Во долгогодишна студија објавена во книгата „Secrets of the Superyoung“, д-р Дејвид Викс, клинички невропсихолог во Кралската болница во Единбург, изјавил дека намалениот стрес, зголеменото ниво на задоволство и подобар сон кој доаѓа со редовниот секс може да бидат доволни за да додадете 4-7 години на вашиот животен век.

Физичката активност го продолжува животот до 4 години

Многумина од нас се борат да ги исполнат препорачаните цели за активност од 150 минути аеробни вежби секоја недела, но добрата вест е дека активноста – од било кој вид – додава години на вашиот живот.

Полската студија објавена минатата година покажала дека 4.000 чекори дневно се доволни за „значително“ намалување на смртноста од било која причина, а според голем преглед објавен во 2012 година во „Journal of Aging Research“, редовната физичка активност може да го зголеми вашиот животен век за 3,9 до 4,4 години.

Пиење вода редовно и во поголеми количини го продолжува животот до 15 години

Лекарите знаат дека дехидратацијата го зголемува нивото на сол во крвта, што може да го забрза процесот на стареење и да ги забрза хроничните болести. Во студиите на глувци, блага дехидратација била доволна за да се скрати животниот век за 6 месеци – што е еквивалентно на 15 години во човечка смисла.

Откажувањето на пушењето го продолжува животниот век за 10 години

Докторите проценуваат дека пушењето може да го намали животниот век за 10 години, но кога ќе се откажете, тој ризик се намалува.

„Бројот на години кога пушите има најголемо влијание врз ризикот од рак, а колку побрзо престанете, толку ризикот е помал“, вели Никола Смит, виш менаџер за здравствени информации во „Cancer Research UK“, прекинувањето исто така може да го намали ризикот од други здравствени состојби како што се срцев удар, мозочен удар и хронична опструктивна белодробна болест (ХОБП).

Според Американскиот Центар за превенција на болести, пет до 10 години по откажувањето од пушење, ризикот од рак се намалува на половина, а 20 години откако ќе го откажете, вашиот ризик е блиску до оној на никогаш непушач. Значи, откажувањето од пушење може потенцијално да додаде 10 години во вашиот живот.

Детето го продолжува животот за 7 години

Една неодамнешна студија штотуку покажала дека бременоста може да го забрза процесот на стареење кај жените за речиси три месеци, но овој процес е пред раѓањето на бебето. Студија од 2021 година покажала дека лишувањето од сон во текот на првите шест месеци од животот на бебето може да додаде до 7 години биолошка старост на новопечената мајка (интересно е дека тоа не влијае кај мажите на истиот начин). Додајте уште 7 за секое следно дете.

Стресот го намалува животниот век за три години

Истражувачите од Финска откриле дека изложеноста на високи нивоа на стрес може да го скрати животниот век за 2,8 години кај мажите и 2,3 години кај жените. Познато е дека константно високо ниво на хормонот на стрес, кортизол, го намалува имунолошкиот систем и влијае на здравјето на срцето, што доведува до висок крвен притисок, чир на желудникот и кардиоваскуларни болести.

Предолгото седење го скратува животниот век за 8 години

Утврдено е дека седечкиот живот е подеднакво лош за вашето здравје како и пушењето, а истражувањето на „Универзитетот во Калифорнија“ покажало дека седењето 10 часа или повеќе, секојдневно, може да ве остари и до 8 години.