Од сумата ќе ви се сврти во глава: Богатството на Драгана Мирковиќ се проценува на 100 милиони долари
Српската пејачка Драгана Мирковиќ (56) е во центарот на вниманието откако објави дека се разведува од сопругот Тони Бијелиќ (51) по 23 години брак.
Покрај тврдењата дека Тони има нова девојка и живее со неа во Германија, во медиумите се рашири и информацијата околу богатството кое го стекнал овој пар.
Имено, богатството на фолк-ѕвездата и нејзиниот сега веќе поранешен сопруг Тони Бијелиќ со години е јавна тема. Тони има стекнато вистинско богатство во Австрија, тој е сопственик на фабриката за погони „Мајбах Купе“, сопственик на салон за автомобили, како и градежни компании и телевизија ДМ САТ.
Телевизијата која ги носи иницијалите на името и презимето на Драгана е основана од пејачката и нејзиниот поранешен сопруг во 2005 година во Пожаревац. Тие брзо стигнаа до листата на најгледани канали, борејќи се за престижно место во морето на комерцијални телевизиски станици.
Инаку, парот поседува и компанија за продажба на луксузни автомобили, а меѓу нивните клиенти има голем број нејзини колеги.
Драгана и Тони поседуваат бројни имоти, како и огромен замок кој го закупиле 100 години и кој е уреден по најнов стил, а деталите за внатрешноста и надворешноста го одземаат здивот.
Во една прилика тој откри дека сиот имот ѝ го префрлил на пејачката – како причина навел: „Затоа што сакав“.
Сепак, многу позначајни извори на приход се оние кои се создадени од заедничките деловни потези на неа и нејзиниот поранешен сопруг Тони. На прво место тоа е телевизија на чело со пејачката, пренесува српски „Телеграф“.
Според последната проценка на веб-страницата „Нет ворт селебритис“, нејзиното богатство е проценето на 100 милиони долари.
Бијелиќ влече корени од селото Шимиќи во Босна и Херцеговина, кое неодамна го посети со синот Марко, каде што Бијелиќ има скромна куќа и градина, опкружена со чиста и недопрена природа.
Многу познати личности купија автомобили од неговата компанија, како Лепа Брена, Бобан Рајовиќ, Јелена Карлеуша, Дара Бубамара…Според тамошните медиуми, сите автомобили биле изнајмени од Бијелиќ, а тоа го потврди и Драгана. Автомобилите купени од Драгана на сцената се препознаваат по тоа што сите имаат регистарски таблички кои почнуваат на буквите ДОН.
Медиумите наведуваат и дека листата на должници е долга, и дека пејачката не мора да прави ништо до крајот на животот. Таа може да живее само од каматата што ѝ ја плаќаат за автомобилите за кои се задолжиле.
