• Иван Димовски
Македонската репрезентација до 16 години претрпе пораз од 3-0 од селекцијата на Русија на пријателска средба одиграна во турскиот град Сиде во Анталија.
Фаворитот на оваа средба си ја оправда својата улога и дојде до триумф над нашата селекција. Уште на полувремето Русите имаа двојна предност, а во продлжението ја потврдија победата. За Македонија најдобрите можности имаа Сонер Ракипи и Дејан Спасевски.
- Стартниот состав на Македонија У16:
Лука Грчевски, Стефан Јордановски, Грегоријан Михајловски, Давор Јорданов, Михаил Митревски, Дејан Спасевски, Бленди Љачка, Арда Иљазовски, Фадил Исламовиќ, Сонер Ракипи, Андреј Цветковски;
- Резервисти кои заиграа за Македонија У16:
Иван Стоилковски, Цека Ринор, Давид Лиотоски, Божидар Гогачевски, Мелдин Аломеровиќ, Аријан Рамадани, Марко Мирчевски, Горјан Петковски, Лука Георгиевски, Алекса Јазагиќ, Коста Бошковски, Васко Папалиски, Амети Вулнет;
Оваа селекција која ја предводи Драган Начевски ќе одигра уште еден пријателски натпревар во Анталија и тоа со селекцијата на Киргистан. Средбата е закажана за во вторник во 09:00 часот.