Барот Jet Set отворен на местото на првата белградска дискотека

Jet Set е најавен како многу повеќе од само бар, овој амбициозен проект комбинира повеќе намени одеднаш. Станува збор за бар, коктел театар, џез и дискотиека. Локалот Jet Seta е отворен на местото на првата белградска дискотека „Кај Лазо“.

Проектот за ентериерот е доверен на студиото Static Aesthetic. Уредувањето на просторот дало одговори на шарената содржина планирана за новото иконично место на ноќниот живот во Белград.

Тематски простории

Jet Set својот просторен распоред кој води во круг од влезот до главната сцена, го искористил на практичен и тематски поврзан начин.

Првата просторија, која е и место за добредојде, е дизајнирана едноставно и ефектно: фонтаната Негрони како централна фигура и слободен простор околу неа. Ова е всушност место за собирање на гости каде ноќните дружења и идните настани започнуваат.

Архитектот го истакнува овој внатрешен детал како функционален, но и декоративен дел од просторот, изработен од челик со висок сјај кој и дава на просторијата нота на свеченост. Специјално за оваа намена фантаната е порачана од Америка и пренесена оттаму во првата просторија на барот.

Од Негрони зоната се влегува во зоната на голем бар со шанк за околу 15 луѓе. Шанкот е поставен централно, висок 90 сантиметри, со цел да го поврзе просторот на шанкерот и гостите и да ги избрише јасните граници меѓу нив.

За шанкот, како и за претходната сала, користени се материјали како челик и дрво, а завршен е со загасито темно огледало и пригушено декоративно осветлување.

Овој простор е фоајето на салата за главните настани и задолжителна станица за љубителите на одлични коктели, разговори со шанкерот и клубска атмосфера.

Третата просторија е еден вид кабаре сала. Раскошниот централен лустер е првиот ентериерски елемент што се забележува. Дело е на познатиот белградски занаетчија Виктор Киш, исто така од метал.

Елеганцијата е дополнета со дел за седење облечен во кадифе, завеси како преградни елементи за влезот во собата и, на крај, централно поставена бина. Оваа сала собира околу 30 луѓе.

Последна станица – кабаре зоната е целосно опремена за настани: џез забави, тематски забави, читања, претстави.