Главната цел на нуклеарната програма на Северна Кореја е да се создаде најмоќното нуклеарно оружје во светот, најавил Ким Џонг Ун.
- Нашата голема континуирана цел за изградба на нуклеарна сила за сигурна заштита на достоинството и суверенитетот на државата и народот е најголемата и најважната револуционерна цел, а нејзината крајна цел е поседување на најмоќната стратешка сила во светот, апсолутна моќ без преседан во овој век - навел Ким во писмо до официјални лица и научници кои работат во секторот за истражување на одбраната.
Укажувајќи на успехот на научниците во создавањето на интерконтиненталната балистичка ракета Хвасонг-17, која тој ја нарече “најмоќното стратешко оружје во светот“, и драматичниот “скок напред во развојот на технологијата за поставување нуклеарни боеви глави на балистички ракети“ Ким рече дека Пјонгјанг “е солидна определба, способност, голем потенцијал и сигурна, секогаш победничка иднина на нашата земја која напредува кон целта да изгради најсилна армија во светот“.
Ким Јонг Ун во име на партијата и владата им се заблагодари на службениците, научниците и офицерите кои работеа на развојот на „најмоќното стратешко оружје - наш тип“.
