Свет

Владата на Шолц вежбала итна евакуација во таен штаб: Не е засновано на безбедносни информации

Доколку седиштето на германската влада мора да биде евакуирано во итен случај, канцеларот и неговиот тим можат да се преселат во алтернативно седиште - и таму да продолжат со владината работа.

Членовите на владата на Олаф Шолц денеска ја пробаа оваа вонредна ситуација, пишува Шпигел.

Се вежбало интеракцијата меѓу властите и се проверувала оперативноста и функционалноста на техничките капацитети, изјави владиниот портпарол по повод оваа вежба.

„За да може да продолжи да ги извршува владините функции во случаи кога е неопходно да се евакуираат службените згради на Федералната канцеларија (на пр. во случај на несреќи или вонредни ситуации), Федералната канцеларија има алтернативен штаб“, објаснил портпаролот. .

Вежбата не се заснова на некое посебно знаење на безбедносните власти „што би можело да даде конкретна причина за ова“, додаде тој.

Портпаролот не соопштил повеќе детали за вежбата, која не е објавена во јавноста, повикувајќи се на безбедносни причини.

Тој исто така не дал никакви информации за локацијата на алтернативниот штаб.

Неодговорено останало и прашањето дали канцеларот Шолц бил вклучен во вежбата.

Сепак, шефот на германската влада денеска бил присутен на неколку јавни настани во Баден-Виртемберг.

Македонија

Денес е ден на Македонскиот јазик

Денеска Македонија го одбележува 5 мај – денот на Македонскиот јазик.

На овој ден во 1945 година, со решение на Народната влада на Федерална Македонија е усвоена азбуката на македонскиот јазик врз принципот еден глас – една буква, а набргу потоа, на 7 јуни 1945, е усвоен и Правописот на македонскиот јазик.

Кодификацијата на современиот македонски стандарден јазик се заокружува со делата на Блаже Конески – Граматиката на македонскиот литературен јазик, Речникот на македонскиот јазик и Историјата на македонскиот јазик.

Свет

Садик Кан третпат избран за градоначалник на Лондон

Садик Кан го освои рекордниот трет едноподруго градоначалнички мандат во Лондон на локалните избори во Англија на кои што неговите лабуристи ѝ нанесоа тежок пораз на конзервативната партија.

Кан, кој првпат беше избран во 2016, ја победи ривалката Сузан Хол со разлика од повеќе од 276.000 гласови.

„Мојата животна чест е да му служам на градот што го сакам. Во моментов сум многу понизен. Ова беа тешки неколку месеци, во кои се соочивме со кампања на постојана негативност. Горд сум што одговоривме на поттикнувањето страв со факти“, изјави 53-годишниот Кан, кој е и првиот муслиман кој беше избран за градоначалник на Лондон.

Тој истовремено го повика премиерот Риши Сунак да распише парламентарни избори.

Фудбал

Ди Марија пред трансфер во Турција

Турскиот гигант Бешикташ испраќа сезона полна со неуспеси и веќе размислува за новата кампања. „Црните орли“ се во потрага по нов тренер, а планираат и летни трансфер потези.

На „Тупраш“ има сериозен интерес за аргентинскиот ветеран Анхел Ди Марија и ќе преземат конкретни чекори за да го привлечат, тврди „ТРТ Спор“. Тоа се очекува да се случи во наредните денови.

Триесет и шест годишниот офанзивен играч за врска најверојатно ќе ја напушти Бенфика на крајот на сезоната бидејќи му истекува договорот. Има опција да се продолжи за уште една сезона, но тоа веројатно нема да се случи.

Ди Марија има втор престој во португалскиот гигант. Тој минатото лето се врати на „Луж“ откако го напушти Јувентус. Играше и за Реал Мадрид, Манчестер Јунајтед и ПСЖ.

Доколку дојде до трансфер на Аргентинецот во Бешикташ, тоа најверојатно ќе биде неговиот последен европски тим.

притисни ентер