Српската архитектка Љубица Живковиќ (52) е осомничена дека украла три антички вазни и часовник од Палатата на Големиот мајстор во Валета, Малта, во чијашто реставрација учествувала, објавија медиумите во Малта. Сите три вазни и часовникот се проценети на 13.000 евра.
Тајмс оф Малта во вторникот објави дека полицијата го идентификувала осомничениот за кражба откако ги прегледала снимките од неколку безбедносни камери.
Љубица Живковиќ во средата ги отфрли обвиненијата за тешка кражба, нелегално поседување културни артефакти и кршење на условната казна за слични кривични дела.
„Тајмс оф Малта“ објави дека архитектката по потекло од Белград живее во Иклин, Малта и дека била проект-менаџер во реставраторската компанија која се занимавала со работите во палатата. Педи вели дека во последен момент се вклучила во проектот и дека изминатите шест месеци била вклучена во градежните работи на палатата.
Поради улогата што ја одиграла во реставрацијата, таа имала пристап до целата палата, каде што можела слободно да се движи.
Кражбата била откриена на 5 април, а на судот му било кажано дека исчезнатите предмети се уште не се пронајдени.
Бранителите побараа Живковиќ да биде ослободен со кауција, но судот одби. Како аргумент за држење во затвор се слушнаа тврдења дека архитектката од Србија има проблеми со злоупотреба на дрога, како и дека била на условна слобода за слични кривични дела.
КТП: Таа не е архитект
Портпаролот на Малтешката асоцијација на архитекти, организацијата Камра тал Перитија, изјави дека Живковиќ немала дозвола за вршење дејност како архитект или градежен инженер и дека со закон не е овластена да се нарекува архитект.
Предметите исчезнаа од салите внатре во палатата, која повторно беше отворена за јавноста на почетокот на оваа година по пет години обемна реставрација.
Исчезнувањето на вазната и часовникот се случи помалку од еден месец откако беа украдени два златни медали во вредност од 400.000 евра од Поморскиот музеј во Виториоза, Малта. Медалите биле пронајдени во резиденцијата на маж кој бил обвинет за кражба и бил пуштен на слобода. Поморскиот музеј на Малта оттогаш ја засили безбедноста и започна внатрешна истрага за кражбата.
