Свет

Банди се обидуваат да ја преземат контролата врз главниот аеродром на Хаити

Банди се обидуваат да ја преземат контролата врз главниот аеродром на Хаити во последниот напад на клучни локации.

Силно вооружени банди се обидоа да го заземат главниот меѓународен аеродром на Хаити, „Тусен Лувертур“, во престрелка со полицијата и воените единици, во услови на ескалација на насилството во земјата и масовно бегство на затвореници.

Како што јавија странските агенции, од оклопен камион на аеродромската писта е пукано кон бандите во обид да се спречат да влезат во комплексот додека десетици вработени бегале.

Нападот се случи неколку часа откако властите на Хаити воведоа полициски час откако вооружени банди ги зазедоа двата најголеми затвори во земјата и ослободија илјадници затвореници.

Во неделата вечерта беше прогласена 72-часовна вонредна состојба.

Се верува дека бандите контролираат околу 80 отсто од главниот град Порт-о-Пренс. Тие се повеќе ги координираат своите акции и избираат за напади цели, како што е на пример Централната банка.

Минатата недела, американската амбасада соопшти дека ги суспендира сите официјални патувања во земјата. Синоќа ги повика сите американски граѓани да ја напуштат земјата што е можно поскоро. Администрацијата на Џо Бајден, која одби да испрати војници во мултинационалните сили на Хаити, понуди логистичка поддршка за земјата и рече дека со загриженост ја следи нагло влошената безбедносна ситуација.

Живот

Фатена чудна кинеска банда: Фалсификувале монети од две евра?!

Чудна банда кинески фалсификатори е фатена во Шпанија, која правела лажни монети од две евра.

Ова е чудна идеја на фалсификаторите бидејќи во Европската Унија најчесто се фалсификуваат банкноти од 50 и 20 евра, што е и логично - тие се најобични банкноти, и има многу мали шанси некој да ги земе под микроскоп. од банкноти од 100 или 200 евра, пренесува Дојче веле.

Со помош на Европол, шпанската полиција во Толедо разби синџир фалсификатори на пари кои фалсификувале половина милион „висококвалитетни“монети од две евра.

Полициската акција е опишана како „најважната“ против фалсификувањето на пари во Европа во последните 10 години.

Уапсени се 10 кинески државјани, а шпанската полиција соопшти дека ги бркала шест години. Се вели дека монетите се исклучително тешки за следење.

Монетите немаат холограми и безбедносни печати како хартиените пари. Но, повторно имаат доволно карактеристики што тешко се копираат.

Кошарка

Во Италија тврдат: Димитријевиќ ќе биде ново засилување на Олимпија Милано

Познатиот италијански новинар Андреа Калцони во ексклузивна вест денеска вели дека нашиот најдобар кошаркар и актуелен член на Уникс Казан, Ненад Димитријевиќ, својата кариера ќе ја продолжи во Олимпија Милано.

– Ненад Димитријевиќ ќе биде второто засилување (после Џош Небо) за следната сезона. Договор на три години за македонскиот плејмејкер, објави новинарот на социјалните мрежи.

Станува збор за клуб кој редовно настапува во Евролигата, а сезонава во регуларниот дел заврши на 12-тото место.

Популарниот Нено сезонава покажува одлични игри во дресот на рускиот клуб и беше избран за МВП во регуларниот дел на сезоната.

Македонија

Гордана Сиљановска-Давкова и Стево Пендаровски во „ПРЕТСЕДАТЕЛСКИ ДУЕЛ ЗА МАКЕДОНИЈА“

Дами и господа, утре Канал 5 Телевизија ќе ви го претстави последниот претседателски ПРЕТСЕДАТЕЛСКИ ДУЕЛ ЗА МАКЕДОНИЈА, помеѓу кандидатите Гордана Сиљановска-Давкова на ВМРО-ДПМНЕ и Стево Пендаровски на СДСМ.

Време за промени или за реформи, чекор напред, или статус-кво, што ќе им понуди Пендаровски на гласачите да го задржи тронот, а што Сиљановска да го освои?

Лојален на ветеното или на партијата, каков претседател сакаат граѓаните?

Политички инжињеринг или пародија, се кројат ли договори под маса уште пред да се знаат бројките? Ќе го надомести ли СДСМ пропуштеното во првиот круг? Можен ли е бојкот?

Продолжување на европскиот пат или отворање на Пандорината кутија, што ќе се случува на 9 Мај?

Утре во Само Вистина последното ТВ соочување кај Гоце Михајлоски со Гордана Сиљановска -Давкова и Стево Пендаровски во решавачкиот ПРЕТСЕДАТЕЛСКИ ДУЕЛ ЗА МАКЕДОНИЈА... Веднаш по вестите.

притисни ентер