• Саше Љолес
Славниот и долгогодишен голман на Јувентус, Џанлуиџи Буфон, во разговор со италијанските медиуми изрази голема поддршка за новиот тренер на „бјанконерите“, Игор Тудор, посакувајќи му многу среќа во новата работа.
Тудор пред неколку дена го презеде местото на Тиаго Мота и ќе има задача да ги подобри резултатите на тимот, а Буфон смета дека управата направила одличен избор.
„Ќе му треба многу среќа на Тудор, му посакувам само најдобри нешта и се надевам дека ќе го одведе тимот таму каде што заслужува да биде. Јас секогаш навивам за Јувентус и ја давам мојата поддршка.
Имав многу прекрасни сезони во Торино, освојувавме трофеи и станавме икони на италијанскиот фудбал. Игор беше таму, со нас, точно знае што треба за да создаде победнички менталитет. Се надевам дека на крајот од сезоната оваа приказна ќе биде повеќе од успешна“, рече Буфон.
Јувентус во моментов е петтопласиран на табелата со вкупно 52 бода. Тимот забележа два порази во низа, а во следното коло ќе ја пречека Џенова на домашен терен.
