На трпезата, како предјадење или збогатување свечено мени, совршено ќе се вклопи леб полнет со кашкавал, моцарела, кромитче со путер…

Изгледа комплицирано, но всушност е едноставно за подготовка, а вкусно кулинарското дело, кое говори повеќе од 1.000 зборови.

Доколку не сте љубител на кромид, лепчето ќе биде еднакво вкусно и без него, а можете да зачинете со магдонос, оригано и сл.

Леб на кој ретко кој може да одолее, веќе на првиот залак паѓате во искушение целиот да го изедете!

Состојки:

– 100 грама чедар, тенко исечен, или кашкавал по вкус

– 100 грама моцарела, тенко исечена

– 3 млади кромитчиња, ситно исечкани

– 1 округол леб од 400 грама

– 70 грама растопен путер

– 2 лажици сусам

– 2 лажици ленено семе

Подготовка:

Лебот исечете го по должина, а потоа и по ширина, да добиете коцки во големина на залчиња. Не сечете до крај, туку до долната кора, за да остане лебот цел и компактен и да не се растури додека се пече.

Тркалезна тепсија покријте со алуминиумска фолија, подолга од лебот.

Во исечениот леб наредете парчиња кашкавал.

Потоа нанесете ја смесата со кромид, путер и семки.

Кога ќе го исполните лебот, завиткајте го во фолија и ставете во рерна загреана на 180 степени и оставете да се пече 15 минути.

Одвиткајте ја фолијата и вратете во рерната на уште 10 минути додека не се растопи кашкавалот.

Послужете веднаш.