ФОТО | „Среќен роденден големо момче“: Синот на Даниел Кајмакоски наполни една година
Македонскиот пејач Даниел Кајмакоски (40) и неговата сопруга Марина денеска го прославуваат првиот роденден на синот Стефан.
Победникот на регионалниот „Икс фактор“, кој веќе неколку години живее во Србија, објави неколку фотографии од малото момче, со кои го одбележа овој важен ден.
„Среќен роденден големо момче“, напиша Кајмакоски во описот.
Исто така, пејачот реобјави и фотографија, која првично ја сподели неговата сопруга, на која се гледа роденденската торта.
Да потсетиме, Даниел Кајмакоски претходно беше во брак со манекенката Кристина Димитријевска, со која има едно дете – синот Давид.
По разделбата со Димитријевска во 2020 година, пејачот го чуваше приватниот живот далеку од очите на јавноста. Тоа се смени во септември 2022 година, кога ја сподели првата фотографија со неговата сегашна сопруга Марина.
ФОТО | „Ова е Стефан кралот“: Даниел Кајмакоски стана татко на уште едно момче