Министерството за внатрешни работи очекува денеска да пристигнат нови 400.000 обрасци за лични карти. Дополнителниот заменик-министер за внатрешни работи, Митко Бојмацалиев, денес, при посетата на Ресен, извести за новите обрасци и нагласи дека иако процесите во тој дел се одвиваат тековно, има лични карти што чекаат одобрување.
„Бројката на неодобрени документи стига над 50.000 и во текот на денешниот ден ќе упатам и писмо за состанок заедно со раководството на управните служби и министерот Тошковски да го надминеме овој проблем“, рече Бојмацалиев.
Тој денес заедно со директорот на Бирото за јавна безбедност, Сашо Тасевски, ги посети реконструираните простории на управните служби на ОВР Ресен. Целосната реконструкција на ОВР Ресен е во вредност 12.800.000 денари.