Учесник во хрватското шоу „Вечера за 5“ починал по снимањето: Семејството на починатиот бара да се емитува епизодата со него
Вице Мартиновиќ од Шибеник, кој пред неколку месеци ја снимал емисијата „Вечера за 5“, починал по снимањето.
Оваа недела „Вечера за 5“ ги прикажува емисиите снимени во Шибеник. Инаку, Вице Мартиновиќ, кој бил рибар, пред неколку месеци учествувал на снимањето на кулинарското шоу во Шибеник.
Сепак, според желбата на неговото семејство, РТЛ ќе ја емитува емисијата, пишува „Јутарњи.хр“.
– За жал, господинот Мартиновиќ почина веднаш по снимањето. Неделната „Вечера за 5“ се прикажува по желба на семејството на господинот Мартиновиќ, на кого му го изразуваме нашето сочувство – јавиле од РТЛ телевизија.
Вице Мартиновиќ обожавал да оди на риболов, ги обожавал традициите на својот далматински регион, уживал да игра кошарка и да поминува време со своите пријатели.
Во текот на шибеничката недела „Вечера за 5“ се дружел и готвел со Иван Брнадиќ, Флоријан Жижиќ, Милорад Каспер Мишковиќ и Горан Гргуричин.
